roosboom

die diagnose

roosboomma — Mon, 20 Feb 2012 14:19:14 +0000

Roosboompie was onlangs vir ‘n ondersoek by ‘n neurologiese pediater. Daar was familielede wat geglo het daar is miskien fout, want dit is nie normaal dat ‘n kind so histeries raak nie. Die dokter het met ‘n glimlag op haar mond die diagnose gegee: die kind het geen geduld nie. Verder is daar GEEN fout:) Roosboompie is gesond en haar ontwikkeling is goed op ‘n dreef vir haar ouderdom, die dokter kon vinnig agterkom dat sy ‘n baie spesiale temperament het en my baie sterkte toegewens.

So wat’s nuus met klein roosboompie:
Sy gaan nou vier dae ‘n week skooltjie toe, en alhoewel sy nog ‘n scene maak as ek haar aflaai, gaan dit blykbaar baie goed by die skool. Die juffrou se sy huil net as sy nie haar wil kry nie (haha…wat’s nuut).
Ons is besig met “potty training” en roosboompie het besluit sy wil op die GROOT toilet als doen…so dit is maar ‘n stressvolle ervaring – sy wil self opklim en afklim en als:) Maar ons is baie trots op haar!
Verder het ons ‘n groot deurbraak tot haar dissipline gekry – ons laat haar in die kamer haar woede uitbarstings uitwoed en gaan haal haar sodra sy stil is. Dit werk fantasties. Dis nie lekker om te hoor hoe sy huil en skree nie, maar as jy haar dan gaan haal is sy soos ‘n nuwe mens. Die geheim is om haar nie te vinnig te gaan haal nie, want dan is sy net boos.
Ons probeer ook ‘n nuwe roetine aande om haar aan die slaap te kry: twee boekies word gelees en dan word die lig afgesit. Meeste aande probeer sy dit fight, maar ons probeer net om so standvastig as moontlik te wees:)
So die rede hoekom my blog so stil is, is omdat dit eintlik so goed gaan. Maar soos met alle roosboompies weet ek daar sal altyd sonskyn en donderweer wees, so hou maar die spasie dop:)

tuin speel

roosboomma — Fri, 27 Jan 2012 10:26:13 +0000

Vandag het ons die ouetehuis baie gegee om oor te skinder! Ek, roosboompie en sussie het vir oumagrootjie cupcakes gevat vir haar verjaarsdag (al het sy eintlik lank terug verjaar), maar roosboompie het nie baie die vorige nag geslaap nie (haar ma en pa ook nie!). Als het okei begin, oumagrootjie was baie goed voorbereid met tjippies en speelgoed. Toe roosboompie begin onrustig raak het ons besluit ons gaan bal in die tuin speel. Sy was baie opgewonde daaroor. Lieflike groot grasperk en koelte onder ‘n grootboom, ons het gedink roosboompie gaan dit nou baie geniet, maar toe ons daar kom raak sy woedend: “tuin speel”, “tuin speel” skree sy. Hoe meer ek aan haar verduidelik dat dit die tuin is, hoe kwaaier word sy. Al wat ‘n tannie is probeer help, een bring pen en papier vir haar, die ander ‘n koei en perdjie…en almal gee raad, maar roosboompie word boos. Nou wat moet ‘n roosboomma doen? Pakslae gee voor al die ou tannies? Ek tel toe roosboompie op (skreeuend en skoppend) en stap so ver weg as wat ek kan. Later het sy bedaar en ek het haar pa laat weet om ons te kom haal. Oppad uit het nog so paar tannies kom kyk wat gaan aan – ek dink nie hulle het al so kwaai roosboompie tee gekom nie – almal se oe was groot gerek! Ek dink die kwaai kind se geskree gaan nog ‘n paar dae oor teekoppies bespreek word:)

Ek wil nie!

roosboomma — Fri, 20 Jan 2012 12:52:40 +0000

Gunsteling woorde van ‘n roosboompie sluit in: “ek self”, “nee”, “wil nie”, “hou op”, “moenie”, “myne”, “nee Mamma”, nee Pappa”. Vanmiddag wou roosboompie nie gaan slaap nie (soos gewoonlik), maar ek kon sien sy is baie moeg en baie geirriteerd. Aangesien ek die laaste paar dae te veel kere my humeur verloor het het ek besluit om vandag baie geduldig te wees – dit help nie om heeltyd ontsteld te raak nie! So toe tel ek roosboompie op en vra wat sy wil doen. “Nie op bank sit nie”, “nie TV kyk nie”, “nie boekies lees nie”, “nie kamer toe gaan nie”…enige iets wat ek voorstel het sy teen besluit. Dis so warm en ek gee toe vir haar bietjie water, “nie water drink nie” se sy terwyl sy die water drink:) Ek weet sy is net moeg en lus vir niks en gewoonlik gee ek haar pakslae as sy so onmoontlik raak, maar vandag wou ek graag vrede bewaar. Op die ou end was sy heel tevrede om in die stootwaentjie te sit (dis die eerste keer dat dit gebeur) en beveel sy my om haar rond te stoot buite in die hitte van die dag (35 grade)! Ag wat, ek kry toe die sonbrandroom en besluit dat bietjie hitte niemand gaan skade doen nie en tot my groot verbasing raak sy rustig aan die slaap terwyl ek haar buite rond stoot:) Dis nou 14h44 en roosboompie het nog net eenkeer vandag pakslae gekry (dis ‘n rekord vir die week wat verby is) en ek hoop om die res van die dag die rekord te behou!

slaaptyd?

roosboomma — Tue, 17 Jan 2012 20:23:45 +0000

Om vir ‘n roosboomma te vra wat is haar kind se slaaptyd, is soos om vir ‘n baie vet tannie te vra wat is haar gewig. Mens doen nie dit nie! Dit was vir my die grootste verligting om die ander aand by ‘n partyjie te hoor van nog ‘n kind (natuurlik ook roosboomagtig) wat eers na nege aande gaan slaap. Ek het al alles probeer en alles gelees (‘Baby Sense’ is nie vir roosboompies geskryf nie en ek wil nie eers praat oor ‘Little Contented Baby’ nie), ek wens iemand wil ‘n boek skryf oor hoe om roosboompies aan die slaap te maak – dit sal vir my so baie beteken:) Ek sal ‘n boek kan skryf oor wat nie werk nie…hehe.

Roosboompie was vandag vir die eerste keer na ‘n nuwe skooltjie toe en dit het verbasenlik goed gegaan. Sy was sommer heelmiddag in ‘n beter bui- die wegbreek van ma en van huis het haar goed gedoen! Kyk, ons het altwee die wegbreek nodig gehad, want ons het sommer vroeg vanoggend al van opinie verskil en die dag sommer in ‘n stryd begin. Ek moet confess…roosboom se ma het ook bietjie roosboom in haar:)

Roosboompie mis nogsteeds haar Pa baie en het besluit dat haar Oom wat hier kuier Pappa genoem sal word. Ek dink dit help bietjie met die groot verlang.

totsiens Pappa

roosboomma — Fri, 13 Jan 2012 19:16:22 +0000

Vandag het ons Pappa by die lughawe gaan aflaai. Roosboompie het oppad geslaap en dus het die ekspedisie baie rustig begin. Uitlaai en tasse dra was nogal ‘n storie: sussie in haar stootwaentjie, twee groot tasse, ‘n boks, rugsak, laptop sak en slapende roosboompie! Terwyl Pappa ingeboek het het roosboompie ontwaak en begin besef wat aangaan. Aangesien roosboompie ongelooflik erg oor haar pa is het sy besluit sy gaan saam vlieg, “saam met Pappa vlieg” het sy gese. Toe ons aan haar verduidelik dat dit nie gaan gebeur nie het dinge begin skeef loop. Ek kan nie eers meer onthou wat als gebeur het nie, maar op die ou end het roosboompie plat op die vloer gele en weggeseil elke keer as ek nader kom om haar op te tel. Sy het huilend haar pa geroep en wou van niks anders weet nie. Ek het toe maar weggestap en van ‘n afstand haar dop gehou. Natuurlik het almal die hele spektakel dopgehou en seker gedink die ma kan glad nie haar kind beheer nie. Of miskien voel dit maar net op daardie oomblik of almal dit dink:) My plan het nie gewerk nie en sy het nie ophou skree nie. Toe kry ek al my moed bymekaar en gaan tel haar op. Ek moes haar in ‘n voetbalgreep vaspen om te voorkom dat sy my skop en so het ek met haar onder die arm en sussie in die stootwaentjie weggestap. Sy het oppad huis toe nog histeries in die kar gehuil en ‘n paar keer die aand keel opgesit. Ek wonder soms wat dink my bure. Ek weet ek sou die polisie bel as my bure se kind heeltyd so histeries skree. En nou le sy soos die mooiste engeltjie uitgepass op die bed en ek is gedaan – ek weet daar is seker nog ma’s wat al sulke dae oorleef het. As jy weet van nog ‘n roosboomma – se asb sy moet my blog lees. Ek wil graag hoor van nog ma’s wat hierdie groot taak gegee is om ‘n roosboompie te snoei!

gewonde leeu

roosboomma — Wed, 11 Jan 2012 15:17:46 +0000

Vandag was dit my werk om ‘n gewonde leeu te probeer mak maak. Roosboompie se koors en maagpyn is nou weg, maar as gevolg daarvan het sy brandboudjies en dis genoeg om ‘n roosboom boos te maak. Die enigste ding meer gevaarlik as ‘n leeu is ‘n gewonde leeu! Die grootste deel van die dag het gepaard gegaan met pak gee en roosboompie kamer toe stuur. Die toppunt is bereik toe sy histeries huil: “mamma my weer piets” en woedend lyk oor ek haar nie weer piets nie. Toe tel ek haar op en hou haar styf vas en na so rukkie het sy sommer so op my skouer aan die slaap geraak…ek’s nie seker of die leeu nou mak is en of die leeu net moeg is nie:)

geen koorspen nodig

roosboomma — Sun, 08 Jan 2012 10:20:58 +0000

As roosboompie op jou klim en haar koppie op jou skouer neersit, dan kan jy weet: sy het koors. Koors maak van die leeu ‘n lammetjie. Dan mis ek so die vurige, kwaai roosboompie wat met soveel energie my kan aanvat. As sy begin skree: “Nee Mamma, hou op”, “Nee fotos” (skreeu sy op die fotorame) – dan weet jy die koors medisyne het gewerk. Geen koorspen nodig:)
Vandag is ongelukkig een van daardie dae wat roosboompie soos ‘n lammetjie op my skoot le. Haar magie nie lekker nie en sy het gedurig koors. Vanoggend is ek, roosboompie en sussie gou Dischem toe: Valoid, Empaped, Rehydrate, Energade, nog doeke, wipes (hierdie name sal vir meeste Ma’s baie bekend wees) en na die tyd het ons gestop by Videorama: Lion King, Cars en Kung Fu Panda 2. Die DVD’s is vir my, terwyl die kinders slaap:) Pappa het die hele huis reggepak terwyl ons winkel toe is en daarna werk toe gegaan. Waardeer so baie sy hulp! Dankie lief!

Hello world!

roosboomma — Wed, 04 Jan 2012 13:32:30 +0000

Okei, hierdie is my eerste bydrae en ek is nie ‘n ekspert nie! Roosboom blog gaan oor my ervaringe as ‘n ma en spesifiek as ‘n ma van ‘n roosboom. Dit verwys na my kind se temperament volgens “Kweek kinders met karakter” van Hettie Brittz. Hier volg ‘n paar eienskappe van my twee-jarige roosboom: ‘n gebore leiertjie, probeer ouers beheer, intense uitbarstings, hou van kompetisie, selfversekerd, druk deur, maak klaar, geniet dit om te help, is hardkoppig, uitdagend, wil nie hulp he nie, toets alle grense, stry graag. ‘n Roosboompie maak seker dat elke dag vol interessante stories is, so ek gaan so af en toe van die stories op my blog sit:) Soos vandag vat ek die honde veearts toe…ek, roosboompie, sussie (4 mde oud) en ons twee brakkies. Brakkies moes gaan vir hulle jaarlikse inspuitings en die arme goed bewe die hele tyd, so ek probeer hul vas hou en kalmeer. Roosboompie begin tantrum oor sy wil opgetel word. Ek besef daar is twee opsies: voldoen aan al roosboompie se vereistes en lyk soos ‘n ma wat deur haar kind beheer word of gaan roosboompie tee en verseker dat die veearts se dak gelig word en geen verdere gesprekke gehoor gaan word nie. Ai, ek kies toe opsie nommer een (as jy my op die oomblik oordeel het jy verseker nie roosboompies in jou huis nie). So terwyl die veearts met my probeer praat oor brakkie se been probleme, spring ek rond om roosboompie tevrede te hou. Na ‘n uur is die brakkies klaar en ek betaal en loop. Roosboompie besluit sy gaan nie saam kom nie. Ek laai die honde en sussie in die kar, hardloop agter roosboompie aan en sit haar skreeuend in die kar. Ek kon haar nie vaskry nie en het gery met roosboompie wat rondklim en heelpad huis toe huil. Gotto love them!